التخطي إلى المحتوى

برج الحمل 
ينصب تركيزكم على إجراء الاتصالات البعيدة أو السفر لمسافة طويلة- تشتد رغبتكم للتقرب من الأحباء وتعزيز العلاقة معهم- يوم جيد للتجار في عمليات الاستيراد والتصدير.

مهنياً:القمر ببرج القوس الصديق هاشي بخليك بطاقة ايجابية وفترة بتكتر فيها الاتصالات وتنسيق ومنافسة بشغلك وتواصل بزيد ولقاءات بقصد شغل او لقاءات عائلة واجواء حلوة بيومك فرصة كمان لتتعرف ع ناس جديدة ويوم بيحملك عرض حلو او مساعدة اذا بحاجة لان بدو يكون عندك شغل كتير ولازم تلحق .. الحظ بحالفك اليوم وامور مالية بتشغلك وسفر قصير واجواء مميزة ولمة حلوة ..
عاطفياً:انت عم تكون مميز بهاليوم وساحر بحضورك ولاجواء بتساعدك اذا حابب تغير من الوضع وتحسن أمورك وفيك كمان تتجاوز اي مشكلة ممكن كانت موجودة وبلاخص انت عندك هدوء اليوم ومابدك مشاكل والبعض عم يفكر كيف ممكن يظبط لقاء او اتصال مع حدا او ممكن ارتباط عند البعض ..
صحياً:يبدو انك مارح تنتبه على صحتك لهيك توقع مشاكل مستقبلية بلاخص جلوس طويل او الوقف الطويل نتبهلي على عيونك ولمفاصل وصداع ..
❤غنيتك❤اليوم:بعيد عنك حياتي عذاب..أم كلثوم

برج الثور
ينصب تركيزكم على الأمور المالية المشتركة- لديكم فرصة لمكسب مالي يتأتى من شراكة أو تعويض- صحتكم أو صحة إنسان عزيز عليكم بحاجة للرعاية أكثر

مهنياً:برغم تعبك ممكن اليوم تتطلع شوي شوي من حالتك في تحسن مهني ومالي .. شغل جديد او عرض مقدم الك وعم تركز اليوم ع الامور المالية ومال ممكن يجيك والبعض عندو اوراق ومعاملات واستفسار عن امور قضائية وقانونية وكتير وارد تحل هيك قصص اذا عندك .. سفر اذا ناوي وبتصالح حدا ونقاشات بتخص شغل واتصالاتك بتكتر ..
عاطفياً:تعبان والشريك متعبك اكتر نتبه انو وضعك مو لاقي كلمة ممكن تنهي علاقة او كرهان الوحدة وتعبان من الوقت الي ضيعتو مع حدا مابيستاهل .. بدي منك تنتبه لقراراتك بهيك يوم ولا تقدم على حسم ومافي داعي لنقاشات حتى ماتكبر القصص مو ناقصك مشاكل وبلاخص اذا بدك تدخل بعلاقة جديدة حاول تستغل هاليوم وتتقرب اكتر وتحسن امورك…
صحياً:خلي بالك من حالك وهتم بصحتك ولاتخلي المواضيع الأخرى تأثر عليك .. ونتبه من بعض الامراض وتوتر نفسي وممكن تستخدم الادوية كتير هالفترة..
❤غنيتك❤اليوم:كلو كذب ماحدا بيعشق حدا .. ناصيف

برج الجوزاء 
تشعرون بالارتياح بعد أن تلاشت ضغوط العمل التي سيطرت عليكم في اليومين الماضيين- ينصب تركيزكم اليوم على الشراكة العاطفية والمالية- وفي كلتا الحالتين بإمكانكم التفاهم مع شركائكم- على الصعيد المالي، يمكنكم توقيع عقد تجاري مُربح، وعاطفيا بإمكانكم إتمام خطبة أو زواج شرط أن تكون العلاقة ناجحة.

مهنياً:بدك تكون صاحي بهاليوم لان في ناس ممكن توقعك او تسبب الك لاحراج بدك تتعامل صح وتحل الأمور بلا مشاكل بلاخص وضعك اليوم متقلب انفعالي وعصبي حاول تبعد عن ناس ولا تتعاطى معن ولا تدخل بمواجهات يمكن قصة بشغلك او بيتك عم تعملك قلق كلو ممكن يمر بسهولة اذا عرفت تتعامل منيح وتكون هادي وممكن اتفاق او شراكة وشغل ونقاش مع شخص ..
عاطفياً:البعض عندو ارتباط بس البعض مابعرف ليش لعصبية زايدة عندك ومو متحمل كلمة مابدي ياك تفكر بسلبية او تخلي شكوك تكبر لان مارح يكون هاشي منيح على علاقتك .. عليك بالحوار ونقاش المجدي وتقرب من الشريك وفهم سبب الذي خلاه يتغير بشكل كبير حاول تكون حدو اليوم وتغير الواقع هدي حالك ونتبه لكلامك ومافي شي مابيتصلح..
صحياً:عم تسهر كتير وهاشي عم يعملك قلق بنهار….
وتوترات نفسية وعصبية وراقبلي سكري عندك ..
❤غنيتك❤اليوم:سبت فراغ كبير .. عمر دياب.

بر ج السرطان 
يتراكم العمل لديكم أكثر من اللزوم- الفرصة متاحة اليوم وغدا لمن يبحث عن عمل- ومن يعمل لديه إمكانية الاستفادة المادية- لا تترددوا في طلب المساعدة من زملائكم إذا دعت الحاجة لذلك.

مهنياً:انت تعبان كتير وانا بعرف هاشي وعم تشتغل وماعم تلحق والتزامات ومسؤوليات وضغوط بتحسها كل مانا عم تكتر ودني مسكرة بوجهة وشايل حمل كبير بالبيت وبشغل ومع اهلك ماعم تعرف كيف بدك تخلص هدي حالك ونظم امورك لان الوقت ديق ولازم تخلص بسرعة كون قد المسؤولية ومافي شي بيبقى على حالو لا تخاف ونشالله بتفرج قريباً..
عاطفياً:حاول تمرق هاليوم ع خير ولا تفوت بنقاشات حادة حاول تبعد عن نقاشات العاطفية الغير مجدية ولا دخل الامور بعضها وافصل حبك عن الامور الاخرى وبتعد عن سيطرة وتملك وحاول تقضي وقتك بصحبة الشريك وعليك بتفكير المشترك المتبادل .. يعني حوار هادي بعيد عن الاستفزازات الكلامية ولا تكون عنيد وهاشي بحل امور كتير عندك..
صحياً:خلي بالك على صحتك ولا تكن موسوس اليوم وتخلي لأفكار تاخدك وتجيبك رح يزيد من صعوبة الوضع وممكن وضع صحي .
❤غنيتك❤اليوم:كذبك حلو..ميادة بسيليس.

برج الأسد 
تشعرون بالسعادة وبرغبة شديدة للتقرب من أحبائكم- ورغم أن الأجواء الرومانسية ليست دافئة تماما، لكن إذا كانت العلاقة العاطفية ناجحة، بإمكانكم التقرب من أحبائكم- تسمعون اليوم خبرا سارا يتعلق بإنجاز لأحد أولادكم- يوم جيد جدا للنساء للدخول في الحمل سواء كان بشكل طبيعي أو بالزراعة

مهنياً:القمر ببرج القوس الصديق .. لانتظار صعب والمشكلة ماحدا عم يطمن قلبك ع الاخر بخصوص شغل وعم دور ع راحة وبدك لتضمن نتائج مشان مستقبلك .. الحظوظ اليوم منيحة وداعمة الك بتخف عنك ضغوط وفيك تقدم على اي شي بدك ياه بما يخص امور مستقبلية وقرارات بترضيك في خبر حلو وممكن مفاجئة خليك متفائل ولا تخاف يومك منيح لمشوار اوسفر واكل طيب وعزيمة كمان او عم تعزم واتصالات وتهنئة او هدية..
عاطفياً:جذاب وحليان والعين عليك وكتير امور بتتحسن يعني ممكن يحملك هاليوم ارتباط ومفاجئات وبلاخص للاعزب .. المرتبط يوم بيحملك مصالحة اذا كان في زعل ولقاءات واتصالات واجواء حلوة ورومنسية عندك حتى حب قديم ممكن توصلك اشارة منو .. بس البعض وبلاخص المتزوجين خفف نقد لتصرفات الشريك وبلاخص قدام ناس يمكن مزاج الشريك مو مظبوط اليوم وفي شي شاغلوا بس توقع شي حلو او سهرة وممكن تجيك هدية ..
صحياً:قد تسبب شهيتك بطعام بمشاكل بالمعدة.خليك بعيد عن المحيط ولا تناقش وتجادل معهم طلاع تمشا أفضل لك ولصحتك.
❤غنيتك❤اليوم:عزة نفسي … صابر رباعي.

برج العذراء
تهتمون بالأمور البيتية والعقارية- يوم مناسب لمن يبحث عن مسكن أو للقيام بصفقة عقارية أو إجراء تغييرات داخل المسكن- يميل أفراد العائلة للتعاون معكم وتشعرون بالراحة داخل جدران المنزل

مهنياً:نقار بالعيلة وضمن بيتك بدك تهدي .. حاسس حالك مالل كتير ومدايق ودايق خلقك يومك في شغل وتعب حاول تهدي ولا تعمل مشاكل مع حدا لان احتمال يصير سوء تفاهم لا تكبرو لان خياراتك قليلة وضغط موجود عليك .. وبتشغلك امور كتير بشغلك ويمكن ضمن بيتك.. حتى بتفكر بامور عقارية او قصة شراء اوبيع ويمكن تصليحات او تجهيز حاول تهدي وتتحرر وتوثق بحالك لتتخلص من هاضغوط ونشالله امورك بعد هاليوم رح تتحسن..
عاطفياً:لا تقدم على اي تصرف ما لم يتم حسابه تماماً بلاخص لازم تحسم امورك وتتوصل لاتفاق او تسوية لوضعك استغل المواقف المتاحة وكون صبور وعقلاني يمكن شريك تصرفاتو مو عاجبتك لافضل انك تعرف كيف تتعامل مع الوضع وتحط نقاط على الحروف .. ويمكن البعض بدو يدخل بعلاقة جديد ومطلوب منك تحسم خيارك او تفكر بالموضوع بجدية اكتر ..وقريباً جداً كلشي بكون متل مابدك..
صحياً::نام منيح ولا ترهق حالك بسهر .. ممكن تنفعل اليوم كتير وهاد سبب حتى يكون عندك ازمة عصبية او صداع شديد برأس أنتبه له شي..
❤غنيتك❤اليوم:لو فيي انا لو فيي انساك وعيش بحرية لو فيي رجع ماضي…كارول.

برج الميزان 
تنشطون في السفر والاتصالات والتنقلات لمسافات قصيرة- بإمكانكم اجتياز امتحان أو مقابلة شرط أن تكونوا مستعدين لذلك- لديكم تعامل إيجابي مع أخ أو جار- يوم جيد للطلاب في الدراسة والمطالعة أو ممارسة هواية مفيدة

مهنياً:حلول لمشاكل ببيتك وشغلك وعقارية .. طاقتك بتزيد اجواء اجتماعية واتصالات مهمة ومشوار او عزيمة وسفر قصير بتكون متحرر اكتر الحظ بساعدك بكتير امور لتوصل وتنجح بتلاقي تقدم بأمورك ممكن عندك اوراق او اختام ممكن تجهز اوراق وعم تنال اعجاب المسؤولين والمقربين منك وبتساعد حدا وممكن في تهنئة او مبروك ..
عاطفياً:جذاب بطلتك وملفت لنظر وامورك بتجاه الافضل لا تخاف ..ارتباط و حب بيكبر بس لازم تفكر ولا تتسرع بأتخاذ اي قرار متسرع .. المرتبط روق وتقرب من الشريك مابدي ياك متوتر وضايج في تحسن وامورك افضل او حاول تغير جو برا البيت والبعض عندو موعد وبدو يلحق وبيحملك اتصالات حلوة الك وايامك جاي افضل عاطفياً ..
صحياً:لا تبقى بالبيت وغير جو بأماكن ترفيهية ونتبهلي لمشاكل القلب وتسرع وعدم انتظام دقاته..
❤غنيتك❤اليوم:ياطير يامسافر…حاتم العراقي.

برج العقرب 
لديكم فرصة لمكسب مالي يتأتى من العمل أو من عمل إضافي أو تستردون مبلغا يعود لكم- منكم من يحصل اليوم على هدية أو جائزة أو يعثر على غرضٍ كان ضائعا

مهنياً:برغم طاقتك ضعيفة ومافيك عم تتحرك وممكن عم تطلب مساعدة بشغلك وبلاخص اذا كان في سوء تفاهم مع حدا .. عم تتعرض لتأجيل او عراقيل بس طنش ع الوضع ومشغول بقصة حدا ببيتك وكتير بدو يصير حكي بمنزل لانك مانك مرتاح او بدك لتستقر بقا .. والبعض عندو سفر قريب وامور عائلية ومالية عم تشغلك ومصاريفك كترانة وممكن يوصلك مبلغ مالي او دين او سلفة وممكن مال من ميراث .. وعم تهتم بأمور روحانية ..
عاطفياً:فرصة ليرجع حب قديم نقاشات بتكتر مع الجنس الأخر وعلاقات جديدة قد تنشأ فكون جاهز.. في حوار ونقاشات وبحث بمواضيع كتيرة في معطيات جديدة وفي اخبار منيحة حاول قدر الأمكان لا تعصب وتكون مستفز او تجاكر وحاول تقتنع بكلام الشريك في امور بتوقع انو نقاش فيها غلط بلا ماتفتح هيك نقاشات .
صحياً:اذا كنت من المدخنين انا بنصحك تخفف منو شوي أفضل لجهازك تنفسي وممكن اضطرابات بالقلب.
❤غنيتك❤اليوم:كل مابتشرق شمس نهار…وائل كفوري.

برج القوس 
.يعمّكم النشاط والحيوية وبإمكانكم المبادرة بخطوة جديدة، أو على الأقل مواجهة مشاغلكم وإنجاز حصة الأسد منها.

مهنياً:أخبار حلوة وتغييرات وطاقة أيجابية وحضور لافت في العمل وبتكون مندفع .. عم تناقش وتحلل وتعطي أراء مميزة بالأخص في أيجاد الحلول لمشاكل العمل ركز منيح الحظ داعمك وأستغل المواقف لصالحك .. مغامرات جديدة وتأييد وحالة اجتماعية وفرصة لتحصل على مال .. ممكن عندك عزيمة وسهرة ولمة حلوة وفيك تسافر اذا ناوي ..

عاطفياً:انت افضل بهاليوم مشتاق لحدا و عم تتذكر ايام زمان او ممكن عم تشوف حدا غالي عليك وذكريات عم تعيشها وكتير حليان وجذاب بيومك والعين عليك وممكن اتصال بعيد ومفاجئ مرتاح والوضع هادي وممكن لقاء واتصالات حلوة وممكن عزيمة .. عودة حب قديم او تواصل عم يرجع وممكن ارتباط…
صحياً:نتبه لصحتك ولا تكون متشائم من التفاصيل او تخلي الحزن يسيطر عليك عندك صداع برأس وحالة نفسية بتعبك بعض الوقت.
❤غنيتك❤اليوم:دبنا ع غيابك دبنا…جورج وسوف

برج الجدي 
تشعرون بنوع من التعب الذي يسيطر عليكم، وبفقدان الطاقة والحيوية والرغبة في مواجهة مشاغلكم- حاولوا إنجاز ما هو ضروري وعاجل من العمل واخلدوا للراحة.

مهنياً:ضغط نفسي ومهني وعلاقات ومانك مرتاح ..
ناطر شي وبلشت تفقد الامل في ..مانك مرتاح ومتعب وتفكير عم ياخد وقت كتير منك وبلاخص الحظ واقف عندك طاقتك سلبية وضعيفة مصاريف مالية عندك رغم تحسن بالفترة الاخيرة او جمود مالي وصرف ناطرك هالفترة .. وممكن قصة بتعملك قلق وفيها تأجيل لامر مهم وبدك تجهز حالك لشغل او سفر او نقل لمكان تاني واخبار مفاجئة مرق هاليوم على خير ولاخبار الحلوة ناطرتك من بعد ضهر وفرصة لتعمل تغييرات بشكلك ولقاءات منيحة واجواء مميزة المسا ..
عاطفياً:لاعزب انت بدك شخص يريحك نفسياً بس المشكلة ما موجود حاول تلاقي شخص يفهم عليك ويهتم فيك والبعض بيحكي حب قديم وفي اتصالات وتواصل طويل .. المرتبط قد تكون امورك العاطفية متقلبة لاكن اعتقد ان الامور قد تكون افضل حاول توقف حد الشريك ممكن يكون عندو قصة شاغلتو وممكن تساعدو بحل امر ما حافظ على الجو اليوم ولا تبتعد عن الشريك وكتير هالفترة بدو يجيك احساس انو لايمت وضعك رح يبقى هيك ..
صحياً:لا ترهق نفسك كتير بالعمل او القيام بأعمال لاترضي تتطلعاتك وخفف من سهر طويل ونتبهلي من النوم الخاطئ ممكن يأثر على رقبتك.
❤غنيتك❤اليوم:وحدن بيبقو متل زهر البيلسان.. فيروز

برج الدلو
تنشطون اجتماعيا وتلتقون أشخاصا ترتاحون إلى صحبتهم، مثل مقابلة صديق لم تروه منذ مدة أو التعرّف على صديق جديد تستفيدون منه في وقتٍ لاحق- إذا كان لديكم مطلب من صديق، فلا تترددوا في طلبكم لأن هذا اليوم مناسب لذلك

مهنياً:تحسن مقبول عم تنشط على صعيد الاجتماعي وبالعلاقات عندك لقاءات وناس بتحبن وغاليين عليك وممكن حدا يعزمك بتلاقي حلول مبدئية وتتطور ببعض القصص الي بتخص العيلة وشغل.. شوية عراقيل بس انت قادر تتجاوزها بصبرك وانت محتاج مال ومحتاج ترتب امورك المالية وتخلي عندك مخزون احتياطي بس لنمرق هالفترة على خير مالياً بعرف تعبت كتير من ناحية المال والعيلة .. اصدقاء وناس حواليك في طلبات وممكن شخص عزيز عليك تشوفو او تحكي معو ..
عاطفياً:أبتعد عن الأزدواجية والحسم وهديلي حالك وبلاخص مشاكلك مع الشريك وخود بنصيحة لانو الامثلة كتيرة من حولك .. يومك حلو وتطور بالاحداث والبعض عندو شي كتير حلو واتفاق .. جاذبيتك بعدا موجودة وساحر بحضورك وعم تأثر على الشريك وممكن شريك عم يتجاوب معك بهاليوم وعم يقدم شي ..والبعض عندو لقاء طويل او اتصال طويل وعاطفي ..
صحياً:نتبه ع صحتك وتجنب ما وقعت به في سابق ولا تكون مبالي وممكن تشعر بشوية تعب بالمعدة ومغص او اضطرابات لازم تاخدها على محمل الجد..
❤غنيتك❤اليوم:شو سهل الحكي…رويدا عطية

برج الحوت 
تنصب أفكاركم على عملكم ومركزكم الاجتماعي وعلاقتكم مع المسؤولين- بإمكانكم التقرب من مسؤوليكم وإثبات جدارتكم لهم والدفع بمصالحكم- ومن يقوم بأعمال حرة ويود إجراء تغييرات على طبيعة عمله، فالنجاح حليفه اليوم

مهنياً:كتير مهم نهدي هاليوم بعيد عن الانفعال والعصبية يمكن عندك شي مهم بدك تعملو لقاء او اختبار بوضعك مابدنا نصطدم مع حدا او نفوت بمواجهات بلاخص مع حدا ببيتك او مديرك بشغل ولا تتجاوز المسؤولين .. لا تخلي شي يأثر على قراراتك وخليها من راسك ولا تهتم لحدا .. انطر حتى تروح هاضبابية وخلص امورك ونفذ المطلوب منك ومرق هاليوم على خير .. والبعض عندو فرصة عمل وممكن يحصل على تحسين وضعو..
عاطفياً:يوم عاطفي حاول تستغلوا وبتكون منيح وفي تطورات بعلاقتك وممكن في حلول بترضي طرفين وبتلاقي تحسن نسبي عم تستعيد النقاط المشتركة وعم تعطي وقت لشريك ومطلوب منك تختار وتحدد خياراتك المستقبلية بعلاقتك بعيد عن الحيرة وممكن في اعجاب فيك وارتباط وجاذبيتك غير شكل .
صحياً:مشاكل معدة ودوخة وبتحس نفسك مو متقبلة شي وهاشي بدو زيارة لطبيب او اخصائي..
❤غنيتك❤اليوم:فوتي بعلاقة..حسام جنيد

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *