التخطي إلى المحتوى

برج الحمل 
صباحا تكون في وضع جيد للتعامل والاتصال وللالتقاء مع أحبائك وأصدقائك بشكل جديد ومبتكر بدلا من تكرار الأنماط القديمة وممارسة أنشطة هادئة أو ترفيهية , مساءا تميل للاهتمام بأمورك العائلية والمنزل , تجنب الكأبة او سوء الفهم و حاول خلق أجواء جميلة وهادئة وخاصة إذا ولدت أواخر مارس .

مهنياً:ضغوط عم تتعرض الها وفي قصة او وضع عم يكركبك شوي …وضع البيت زاعجك وناس متعبتك ضغوط بهاليوم وقصة حدا من اهلك بتشغلك .. كمان في نقاش بأمور مالية وممكن حابب تشتغل شي او تطور بشغلك واحتمال حدوث تغييرات قريبة او نقل بشغلك او مكان سكنك عم تطمح عليه كون واثق بحالك ومن خياراتك لتوصل وتنجح..
عاطفياً:عندك قلق من ناحية الشريك او في شي مو مريح قلبك تجاهه حاول تركز على امورك العاطفية وبالمجل يوم منيح وفي لقدام اخبار حلوة..
صحياً:وضعك مو مرتاح صحياً ولازم تنتبه على صحتك هالفترة لتقدر تكمل شغلك..
❤غنيتك❤اليوم: شو سهل الحكي .. رويدا عطية .

برج الثور 
صباح اليوم تستيقظ مع مزاج جيد لأمورك المالية ولتسوية الفواتير والالتزامات المصرفية . بعد الظهر يدخل القمر الى برج السرطان فتنشط مع الاصدقاء والأخوة والأقارب والجيران وترغب بالخروج بمشوار معهم وتبادل الاحاديث بعيدا عن الحساسية والمزاجية من دون سبب . استرجع ثقتك بنفسك ولا تدع أي شيء ينحني!

مهنياً:تتطورات واتصالات مهمة تسهيل وحركة وطاقة ونشاط عالي بتحس انو هاليوم غير ممكن عم تلاقي امور عم تتسهل بطريقك وقصة متعبتك عم تنحل بسهولة وبلاخص بالايام الي جاي بمعاملاتك باختبار او امتحان ما او شي بخص المال .. علاقات اجتماعية وضيوف وعزيمة ولمة حلوة ومشوار او سفر قصير والبعض ينتبه من الحوادث ..
عاطفياً:عم تكون متعاطف بهاليوم مع الشريك وممكن امورك عم تتحسن وفي تبادل للاهتمام بهاليوم وفرصة للقاء او تعمل اتصال طويل ولاعزب امورك افضل وممكن يصير ارتباط والمرتبط فرصة لتحسن علاقتك اليوم .. المتزوج روق وكلشي بالهداوة بينحل ..
صحياً:ممكن ضغوط والمسؤوليات تأثر على وضعك صحي حاول الا تفكر كتير وتبتعد عن الاجهاد بطاقتك.
❤غنيتك❤اليوم:على نار .. صابر الرباعي

برج الجوزاء
صباحا تشعر بزيادة سحرك و تتحسن مهاراتك الاجتماعية وتكون ممتع ومثير و تمتلك روح الفكاهة والدردشة ..مساءا تبرز امورك المالية للواجهة وقد تحدث أي إثارة بسبب المال. حاول ان تكون هادئا ويقظا في إجراء مفاوضات اقتصادية وانتبه للمشتريات جيدا اثناء شرائك

مهنياً:عم يدور هاليوم بين الامور المالية الي عم تشغلك حتى ممكن تسمع او تتلقى خبر مكافئة او شي مالي ناطرو هاد شي كلو بكون لصالحك وتقدير لجهودك وفيك ضب ايدك لانو بس كان معك مصاري عم تفرد ايدك كتير وماعم تعرف تتعامل مع المال.. فرصة هاليوم لتجيب شي جديد وتحسن علاقاتك او شغل بساعدك لتتحسن امورك شوي ..
عاطفياً:حاول تتجاوز بعض العراقيل وضغوط بعلاقتك ولازم تعرف كيف تتعامل بهاليوم حتى تتجاوز اي مشكلة بأقل الخسائر اذا بدك تحافظ على شريكك فترة بسيطة وبتمر وبتبلش تستقر قريباً جداً لمهم تعرف كيف تتعامل معو ..
صحياً:عليك تمتع بطاقة وقدرة كبيرة لتتخص من مشاكل صحية رافقتك..
❤غنيتك❤اليوم:والله وعلقتك فيي .. ملحم زين

برج السرطان 
صباحا تستمر برغبتك بالبقاء هادئا واخذ راحة إضافية أو الاسترخاء أو مجرد الاستمتاع بشركة شخص ما. من الساعة 13:43 القمر يدخل الى برجك فتتجدد طاقتك وتشعر بالقة والحيوية وتتحسن نفسيتك والاجتماع بالآخرين ويمكنك أيضًا الحصول على رغبة جديدة أو طموح جديد أو مقابلة أشخاص جدد مقابلتك , نصيحتي لك مساء تجنبا المشاعر المزاجية او الحساسية مع الشريك ..

مهنياً:من افضل الايام عندك لتتمتع بطاقة ايجابية وتحسن بوضعك وبعلاقاتك وممكن اذا عم تخطط لشغل او نقل فالامور تمام لا تخاف وممكن اي مشروع عمل تفوت في رح يكون في مرابح مالية جيدة بلاخص بعد فترة كتير تعبت فيا انفراج وتحسن وخبر حلو ولقاءات وعزايم وثقة بتعود من جديد واليوم بتكون بحالة جيدة وحلول ناطرتك ..
عاطفياً:عليك ان تبادر الشريك بنفس المشاعر والأحاسيس لان يومك مميز وشريك بحاجتك وممكن يصير لقاء وجلسة حلوة واذا بعيد عنك لا تتردد بتقرب منه .. والبعض امام قرار مصير وحسم بعلاقاته اما انهاء العلاقة او الاستمرار بها بس استغل يومك ولا تتسرع وبتوقع منيح يومك ..
صحياً:نتب لعوارض صحية وحاول اي شي ممكن يأثر على صحتك بتعد عنو..
❤غنيتك❤اليوم:شو بعملك أنا حبيت .. ايمن زبيب

برج الاسد 
صباحا فترة اجتماعية ويكون لديك مستوى عالٍ من المهارات الاجتماعية ستفيدك في معظم المواقف التي تحتاج فيها هذه المهارات. تعبر عن نفسك بطرق جميلة وجميلة وساحرة..مساءا تميل للهدوء والابتعاد عن الأضواء ورعاية صحتك وتفكر بالنوم باكرا بعد يوم طويل

مهنياً:عم تكون ضجران بهاليوم وفي ملل وعم تسيطر عليك الوحدة او الكأبة ومافي حدا عم يصدق معك او يقدر وضعك انت كتير بحاجة لتطلع من هيك جو .. لا تستعجل او تغامر بشيء اليوم ومرق هالفترة على خيرة بدون انفعال ولا تخلي حدا يستفزك ولازم تاخد احتياطك من ضغوط والمسؤوليات ومواجهة الاحداث بمفردك حاول تكون اجتماعي وتشوف ناس بتحبا ..
عاطفياً:الشريك هو سند لالك برغم من كتير عيوب وقلة الاهتمام وعدم المبالات والمشاكل الي صارت سببا كلام مالو داعي او توتر بسيط عم يكبر القصة وضعك مو مرتاح ولا تخلي حدا يستغل حبك .. ولبعض بدي منك تنتبه وبلاخص اذا في علاقة اخرى غير الحالية ولا تأمن تحكي سرك لمين ماكان .. اعطي اهتمامك لاي نقاش او اذا حاسس بانو في اهتمام من شخص حاول تستغل الفرصة لصالحك ..
صحياً:الاوضاع ممكن تأثر على وضعك صحي فكن متيقن ومستيقظ لذلك..
❤غنيتك❤اليوم:على فكرة انت تغيرت .. وائل كفوري.

برج العذراء 
صباحا اهتماماتك مهنية ففكر في الخطوة التالية بعناية لأنك ستجد حلًا جيدًا..من بعد الظهر يصبح اهتمامك اجتماعي ومع الاصدقاء و ستتحدث عما يهمك ويسعدك التحدث عن مذاقك للموسيقى ، والأفلام ، والأزياء ، والملابس الخ . إذا اشتريت شيئًا ما فستنفق أموالًا إضافية في بعض الحالات لأنك تعتقد أنك تستحق الأفضل. توفر المفاوضات الاقتصادية نتائج مرضية اليوم.

مهنياً:بعد تعب وعقبات واجهتك بالفترة الأخيرة كتير عم ترتاح اليوم وعم تحس حالك نفسياً اريح عم تتحرر من القيود وعم توقف كتير ناس عند حدا وبلاخص الي بوجهين .. يوم افضل على صعيد العلاقات وتنقلات وسهرات والعزائم واذا محتاج مساعدة او استشارة لا تتردد لان قدامك باب حلو قد يفتح بقادم الايام ..
عاطفياً:يوم للعاطفة والمغامرة .. جذاب وسحرك طاغي ومن الايام الي بتزيد فيها قدراتك العاطفية وهاشي بخليك تأثر على الجنس الأخر و تخطف الاضواء .. يوم ممكن يحملك حبك جديد وتحسن بعلاقتك بالشريك ومطمئن لعلاقتك لا تخاف ..
صحياً:انت بحاجة الى بعض الفيتامينات والمعادن وبلاخص البروتينات فحاول الاكثار من الاطعمة التي تحتوي ذلك..ونتبه من وضع صحي يبقيك طريح الفراش..
❤غنيتك❤اليوم:أيام بتمحي أيام .. أدم

برج الميزان 
صباحا أنت ساحر للغاية وأفكارك إيجابية ونواياك جيدة ، في المساء ستحتاج إلى الإبطاء والتعامل بدبلوماسية مع امورك المهنية والكبار في العمر والمسؤولين .

مهنياً:ناس كتيرة وشغل واجتماعي بيومك .. لقاء مهم لهيك بدي منك تكون واثق من حالك ومن قدراتك مابدي منك توقع بمشاكل او تنحرج من قصة ما وتوقع يصير معك اي شي لهيك لازم تنتبه ولا تتهاون بشي وكمان لتدخل بأي موضوع ماعندك علم بتفاصيله .. يوم مهم بدو دقة وحذر لتحصل على شي كتير منيح بقادم الايام .. حاول تنتبه لتعاملك مع المسؤولين والبعض ممكن يستغل وضعك فكون حذر..
عاطفياً:لامور بعدا ماعم تظبط بس انت كتير بحاجة لشي يغير من الوضع وتتخذ قرارات حاسمة .. وكتير لازم تبتعد عن الأمور المثيرة والحساسة حتى ماتكبر الامور ويصير فتور وبرودة الوضع مابيسمح بتهاون مع الشريك ولازم تحسم امورك .. والبعض عم يعاني من امور خارجة عن سيطرة بعلاقتك السرية ..
صحياً:نتبه من ناس الي بتخليك تعصب وبتعبك نفسياً هاشي كلو رح ينعكس على صحتك بشكل كبير…
❤غنيتك❤اليوم:شو قيمة النظرة .. وائل كفوري

برج العقرب 
صباحا تحتاج لتشجيع نفسك وابراز صفاتك الإيجابية مع الإبداع .صباحا فترة ايجابية للأمور المالية المشتركة , مساء التعاطف مع الآخرين يمكن أن يكون له تأثير جيد عليك , يمكنك ان تفتح قلبك وتصبح شخصًا أفضل في تعاملك مع أشخاص جدد والتفكير بسفر او دراسة او بدورة تدريبية او بحضور معرض او حفلة …

مهنياً:من الايام الحلوة عندك لتبلش تطلع من حالتك شوي شوي وتكون افضل بيوم داعم الك والقمر ببرج السرطان الصديق مع الزهرة ببرجك بيدعم نشاطاتك وتحركاتك واذا عندك سفر بيتيسر حتى عم تشتغل باكتر من شي وعم تفكر باكتر من قصة تواصل بعلاقاتك العائلية ومع رفقاتك وناس جدد ويوم حلو للقاءات ولمة حلوة وتبلش تغير شوي من روتينك وتصرفاتك وبعض العادات ..
عاطفياً:ممكن شويت نقار ممكن من بعض تصرفات لكن سرعان مايعود كلشي لوضعو وكتير بيدعمك الحظ بالعاطفة كمان وبتكون جذاب وحليان وضحتك على وجهك تتطور بعلاقتك مع الشريك بلقاء واتصال والبعض فرصة ليقابل شخص مميز وممكن تعارف جديد ..
صحياً:تخصيص وقت لرياضة بات امر ضروري لتخلص من الوزن زائد..
❤غنيتك❤اليوم:مشتاق كتير .. وائل كفوري .

برج القوس
صباحا تهتم بأمور الشراكة والعلاقات والاستماع لآراء الآخرين و يمكنك أيضًا التواصل مع شخص جديد اليوم ويكون التفاعل لطيفًا جدًا..مساء تميل للتفكير بالأمور المالية المشتركة والمفاوضات والاجتماعات وتجد السهولة بالتأثير على الآخرين بطريقة إيجابية.

مهنياً:يوم منيح رغم الوضع وتعب الي انت في لكن ليوم بتبلش امورك نوعاً ما بتجاه الافضل بتلاقي حالك امام استحقاقات ونجاح مهنيا ومال قادم او اذا عندك شي عم تحضر له .. حتى علاقاتك ورفقاتك بيدعمو رغم كان عندك تحفظ على معاملة البعض .. لقاءات ومصالحات وحلول وراحة نسبية وثقة بتعود من جديد .. يوم للمال والموارد المالية من شراكة او اذا عندك مدخول غير مدخولك لاساسي او لتتخلص من ديون وضرائب ..

عاطفياً:يوم بيدعيك لتفكر منيح بعلاقتك وتركز على حسم امورك وقراراتك وخود وقتك لكن صار لازم نحط نقاط على الحروف .. بترتاح من ضغوط كلام حلو بصير وغزل كل هاشي لصالحك ورح تنال ماتريد الحسم مطلوب مشان وضع علاقتك بس بعد تدقيق ..
صحياً:ممكن فرصة عند البعض ليتجاوز وضع صحي وتكون افضل بعد تعب ومرض..
❤غنيتك❤اليوم:شتقتلك قد دني .. رامي عياش

برج الجدي 
صباحا تهتم بأمورك المهنية وجدولك الزمني والتفكير بنظام غذائي جديد ورعاية صحتك .يمكنك القيام بعمل جيد و تتلقى التقدير من قبل أشخاص آخرين..مساءا تميل للأهتمام بأمور الشراكة والعلاقة مع الأشخاص المهمين لك , تجنب اي سوء للفهم او كآبة حتى لا تتسبب لنفسك بانزعاجات مع الشركاء ..

مهنياً:امور مالية شراكة او علاقاتك بتخص اتفاق واتصالات وتواصل كتير . قد تتعارض الحظوظ لكن يوم ليس سيئ حاول لا تصعد الخلاف ضمن بيتك وشغلك وكون دبلوماسي بمعاملتك .. عندك مطالبة بأمر ما او شي مالي او دين او حقوق الك بدي منك تروق لتعرف تمرق هاليوم بشكل هادي وكتير نتبه تدخل بنقاشات او توترات مع رفقاتك حاول تعزز امورك وضع شغلك وشراكتك .. ولا تخاف كلشي بيظبط وتحقق احد اهدافك قريباً ..
عاطفياً:ساحر بحضورك وبكلشي فيك بس الشريك مستفز والوضع متوتر ومابتعرف شو بدك .. حاول داري الوضع وتكون متفهم وتبتعد عن اي توتر بيومك لتكمل علاقتك بدون مشاكل .. والبعض عم يعيش يوم مميز وعاطفة حلوة ورومنسية.. والاعزب عم تميل لشخص او حاجتك عم تكبر بهالايام لترتبط بشخص مناسب ويفهم عليك .
صحياً:نتبهلي لتدخل بحالة نفسية متعبة او تكون يائس وعم تكون انطوائي ومكتأب..
❤غنيتك❤اليوم:قلبي وشو بدي قلو .. وائل كفوري

برج الدلو 
صباحا تكون متفائل و تبرز مهاراتك الاجتماعية وتؤثر على الآخرين بطريقة إيجابية في مناقشاتك أو مع أشخاص جدد تقابلهم ، فترة مميزة لتبادل المشاعر واظهار حبك وابداعك ومواهبك ..مساء تميل للاهتمام بأمورك المهنية والصحية وتنظيم جدولك اليومي للحاق على مسؤولياتك ..

مهنياً:اليوم عندك شغل والتزامات وقصص بتخص وضعك المهني بحاجة لترتيب بس بدي منك لا تحتار وحاول تختار مصلحتك فوق كلشي .. انت مقنع وافكارك حلوة وانت كتير قادر تقنع وتتمتع بطاقة لتخلص الامور المهمة الوقت قصير لازم تكون سريع وحافظ على الانجازات التي حققتها .. وحاول لا تتردد بشي وعبر عن افكارك وارائك وبتكون شخص اجتماعي ولقاءات ورفقات وفرصة قدام كتار لنبلش بهالايام شغل جديد او اتفاقات ممكن تظهر نتائجها قريباً..
عاطفياً:بتوقع انو هاليوم لازم يكون عندك اهتمامات شخصية وعم تغير شي بشكلك وعم تكون طلتك حلوة وانت كتير لازم تظبط الامور مع الشريك وتتقرب رغم انو الشريك ماعندو اهتمام وماكتير عم يقدر ظروفك .. تتطورات بالعلاقة واعجاب عند الاعزب..
صحياً:نتبهلي على صحتك لان احتمال تتعرض لوعكة صحية .. واذا عندك زيادة وزن عليك بوضع برنامج رياضي او حمية غذائية.. وصحتك بحاجة لتنتبه عليها وداري وضعك صحي بشكل جيد ..
❤غنيتك❤اليوم: تخيل .. معين شريف

برج الحوت 
صباحا تبقى مركزا باهتمامك على امورك العائلية من تجديد للمنزل وتحضير لمناسبة والتعامل بليونة مع افراد عائلتك , مساءا تنقلب الامور وتشعر بغزارة المشاعر العاطفية والتعامل مع أطفالك واظهار مواهبك وابداعك والخروج والتسوق و يمكنك أيضًا طلب المساعدة من شخص ما سواء مال أو مشورة , تبلي بلاء حسنا وتشعر بأنك محبوب .

مهنياً:انت كتير بحاجة للحظ يدعم بعد فترة متعبة وماكانت متل مابدك اليوم عم تلاقي انفراج وتحسن بالعمل وانت امام حظ حلو وفرصة حاول تستغلل هاشي وتطلع من تعبك ومشاكلك وتتخلص من بعض توتر الي رافقك ونتبه الثقة بمين عم تحطها .. يومك منيح وتطورات منيحة وفرصة شغل جديد لا تخاف ..
عاطفياً:يومك مميز بحضورك وجاذبيتك وعم تلاقي الاعجاب وامورك عم تمشي متل مابدك .. حتى عم ترجع الثقة وتحسن بوضعك حتى ممكن في صلحة او في اشتياق لشخص وحبك القديم ممكن يرجعلك من جديد يوم عاطفي بين لقاء واتصال حلو وحب ومغامرة جديد والبعض بميل لعلاقات جنسية …
صحياً:يمكن مانك على بعضك نفسية تعبانة وتراجع بوضعك صحي نتبه ..
❤غنيتك❤اليوم:شو حلوة .. جوزيف عطية

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *