التخطي إلى المحتوى

برج الحمل 
مهنياً:القمر بالجوزاء بيمنحك فرصة لمهارات جديدة او علم جديد وخبرات اكتر بيدعمك بقصص لعقارات كمان بالمجمل يومك منيح لتوصل افكارك وتكون مقنع ويوم في حركة وتنقل وعلاقات ولقاءات وعم تكتر الاتصالات واذا ناوي مشوار او سفر مناسب هاليوم وشي منيح ممكن يتغير بشغلك او ممكن تحصل على مردود بس بعدا الامور المالية وصرف عم تشغلك وانت لازم تفكر بشغل تاني وتعيد حسابات هاشي صار ضروري عندك.
عاطفياً:يومك منيح وتحسن بعلاقاتك بشكل عام وبعلاقتك مع الشريك وعندك فرصة لتستقر وتصلح الوضع ويصير نوع من تفاهم .. عم تقضي وقت مع الشريك واتصال او لقاء محتمل يكون بهاليوم استغل جاذبيتك لتأثر على اي شخص اذا اعزب .
صحياً:عم يكون في اضطرابات او قلق هاشي عم يسبب قلة نوم وماعم يخليك تشتغل منيح.
❤غنيتك❤اليوم:عليكم كذبت قال اني مرتاح..حاتم العراقي.

 

برج الثور 
مهنياً:القمر بالجوزاء يوم مالي بأمتياز بين دفع وقبض وتمويل .. نظم امورك منيح مشان تنطلق من جديد ورتب بيتك المالي ممكن قصص بدا حل او محتاج او بدك تمويل نتبه كيف ممكن تظبط امورك لتوصل لشي لبدك ياه .. هاشي عم يخلي يومك طويل وعم تكون مو طايق حدا وضايج لا تبقى لحالك وحاول تشوف رفقاتك وتطلع من هاجو .. يوم مرقو على خير وممكن ناطرك مفاجئة حلوة قريبا جدا .
عاطفياً:بالمجمل منيح وفي شي حلو عند البعض بس الوضع عند كتار بدو مراعات وحاول لا تستفز الشريك ممكن يكون في غيرة او شك من قبل الشريك وهاشي ممكن يخلي متوتر وعصبي وبلاخص مو مهتم فيك,وصرت متأكد انو متناقض بحبك شوي وبغار شوي وكتير اوقات مو سائل .. هدي وبدك تتحمل شوي…بس اكيد الي عندو علاقات سرية اموره عم تطور وخبر ناطرك جهز حالك .
صحياً:نتبه ع صحتك من اي وعكة وتقيد بتعليمات المقدمة الك ولا تتهاون بها فهيا افضل لك على صعيد صحي ورح تتحسن عليها..
❤غنيتك❤اليوم:ربع حبي…حاتم العراقي.

 

برج الجوزاء 
مهنياً:القمر ببرجك مع الشمس والمريخ ببرج الميزان كتير منيح يومك لتقدر توصل وتنجح وتكون مقنع بأفكارك وعم تشعر بطاقة كبيرة واتصالات بتكتر ولقاءات وانت احسن بكتير من الايام الي فاتت لانك تعبت كتير .. بتتحسن اوضاعك بشكل عام وحل لمشاكل عندك وممكن مال يجيك وعم تشعر انو طاقتك بتخليك تكتشف شي مجهول او بدك تسافر وتعمل امور كتير فيها جنان وفرصة لعلاقات اجتماعية ومشوار وعزيمة وسهرة حلوة
عاطفياً:الكواكب بتساعدك بهاليوم لحلول لمشاكل وفرص حلوة وشغف وعلاقات اكتر حميمية .. ممكن امورك اليوم تكون غير شكل وبلاخص هاليومين القادمين كتير في تحسن ونشاط عاطفي وممكن تجرب شي او تجهز لشي جديد بعلاقتك .. عم تكتر العلاقات عندك وممكن البعض يوصل لارتباط واعجاب او خطبة او سرية .
صحياً:عليك بتحمل المسؤوليات الصحية واياك تهاون او تراخي في تنفيذها ..وبلاخص برياضة.
❤غنيتك❤اليوم:انا مابدي ياك بس مابدي تنساني.. اليسا

 

برج السرطان 
مهنياً:القمر بالجوزاء علاقات وصدقات وزيارات كتيرة وهاشي مو حابو .. يوم متعب وطويل ومملل ولا تقدم على اي عمل اذا مانك بحاجتو .. ضعيف حظك اليوم وماعم تقدر تعالج امورك ويمكن توقع بتأجيل او مافي شي عم يكمل معك للاخر .. حتى امورك المالية بدها شوية تكتيك وتنتبه ماتصرف كتير او تدخل بشي مهم بهاليوم يمكن يسبب خسارة .. كون حذر وتعامل بحكمة مع الاحداث ولا تدخل بجدال ونقاش مع حدا..
عاطفياً:صداقة ممكن تطور وهدي بمشاعرك اذا مرتبط يمكن مشاعرك بتشدك تجاه شخص بس شكلك متردد انو تحكي والشريك ماعم يفهم عليك ولا عم يقدر وضعك … انت عاطفي والكلمة مؤثرة فيك لكن كمان بيستدعي يكون العقل حاضر مو بس القلب احسن ماتتعرض للكذب ونفاق من ناس غايتها تسلية فقط ..
صحياً:احتمال تعرضك لوعكة صحية وارد هاشي ما لم تنتبه لصحتك وتنتبه من العصبية وكون هادئ..
❤غنيتك❤اليوم:انا حنيت…ماجد المهندس

 

برج الأسد 
مهنياً:القمر بالجوزاء منيح يومك للقاءات مهمة وناس بتحبن وعلاقات اجتماعية مميزة عم تكتر صداقاتك وعم تشوف حدا غالي عليك وثقافتك وتفكيرك بأفضل حال واذا عندك اختبار او امتحان هالفترة لا تخاف بتنجح وامورك فيها تحسن وبتحل قصص تعبتك .. قصة وظيفة وعقار هدول اكتر اهتماماتك بالفترة القادمة.. بالمجمل اليوم تحسن اجتماعي مهني رح يكون واجواء حلوة نشالله ..
عاطفياً:من الايام الحلوة الي عم تخطف الاضواء بجاذبيتك وسحرك وأناقتك وممكن عم تسمع كلام غزل وممكن تحضر لشي مميز بعلاقتك او ممكن تتلقى هدية وعم تزيد ثقتك بحالك وبعلاقتك وهاشي كلو بخليك تعيش جو رومنسي وحلو وفي شغف ومغامرة هاليوم..
صحياً:عم تنفذ الامور المطلوبة منك صحياً وهاشي اكيد رح يحسن وضعك صحي نحو الافضل المهم لا تبقى لحالك وغير جو بمكان بتحبو ومع ناس تعزمك…
❤غنيتك❤اليوم:مش عم تروح من بالي..مروان خوري

 

برج العذراء 
مهنياً:القمر بالجوزاء تتطورات بشغلك ممكن فرصة لشغل جديد او ترقية قريبة .. نتبه الى قراراتك الاخيرة ولا تنفعل زيادة وكلشي بوقتو حلو حتى مو مستاهلة تفكر بالموضوع من هلق كون حذر من البعض بشغلك لان في ناس ناطرتك على غلطة لا تخلي حدا يستغل نقطة ضعفك او يتجاوز حدوده معك او يستغل تقلباتك المزاجية بهاليوم بترتاح من ضغط العمل او من وضع كركب شغلك هاليوم رتاح اليوم وعيش جو حلو بالعيلة ومع شخص بتحبو ..
عاطفياً:نتبه بهاليوم ولا تخلي لامور تدخل بعضها حتى ماتوتر وضعك العاطفي حتى حاول تتجاوب مع الشريك ولا تبين انك مو مهتم روق وهي فرصة لتحسن وضعك وتعيد نظر وتتقرب وكون بعيد عن اي قرار بهاليوم افضل الك ولعلاقتك ..
صحياً:حاول تمشي قد مافيك واذا عندك سيارة حاول تستعيد عنها بالمشي .. افضل الك المشي هالايام..
❤غنيتك❤اليوم:بعشق روحك والكلمات..مروان خوري

 

برج الميزان
مهنياً:مثلث فلكي بيدعمك القمر بالجوزاء الشمس والمريخ ببرجك تحسن نفسي بعد فترة متعبة كنت مجبر انك تتحمل ضغط الي صار عليك .. يومك افضل لتحل بعض لقضايا وتحطلها حد لانو طولت وزادت عن حدا طاقتك كبيرة وايجابية وحابب تكون بعالم تاني حابب كتير يكون في سهر وضحك وتسلية الي فقدتها لانو قلبك تعبان .. يوم منيح لتسافر او مشوار ولقاءات وسهرة او عزيمة وناس جديدة ومال بيجيك واذا عندك اختبار حضر حالك حتى لو تعبت شوي …
عاطفياً:يوم داعم الك لعلاقات جديدة او ناس عم تدخل حياتك ويحمل لك تتطورات وتحسن بعلاقتك وحلول حتى عم تكون محط أعجاب وجذاب انت.. لكن لبعض نتبه من مغامراتك العاطفية او تدخل بعلاقة عاطفية مامنها نتيجة او عن مصلحة ..
صحياً:افضل طريقة لتتخلص من ضغوط او من اي وضع صحي تلتفت لامور ترفيهية وتسلية والمشاوير..
❤غنيتك❤اليوم:أحبكم…حاتم العراقي

 

برج العقرب 
مهنياً:القمر بالجوزاء صديق بتشوفو او مقرب غالي. طاقتك ايجابية وبتساعدك لتخلص شغلك بعد تعب مريت في بترتاح وبتلاقي حلول لمشاكل كتير كانت عندك حتى في نقاش بمشروع جديد او شراكة وحتى ممكن يجيك مال واستغل هاليوم لتعيد حساباتك وتوجد الحلول المناسبة لمشاكل ادارية وقضائية او سمعتك بشغلك وممكن خبر حلول بهاليوم او بدك تشتري شي مميز وممكن بدك تجيب هدية لحدا او بدك تبارك لشخص..
عاطفياً:عم تكون متحرر بيومك وبعاطفتك اذا في شي زاعجك بالعلاقة حاول تلاقي حل اليوم ولا تأجل هاشي لان يومك بيدعمك بعاطفة وقت حلو وممكن تتخلص من بعض تعقيدات وتشنجات بعلاقتك .. استغل هاشي وقرب وجهات نظر ولا تكون متقلب.
صحياً:كتير اغراءات بالاطعمة او امور أخرى عم تبعدك عن ممارسة الرياضة فحاول تجنبها .
❤غنيتك❤اليوم:ماصدقت عيوني…وائل كفوري

 

برج القوس 
مهنياً:القمر ببرج الجوزاء يوم مناسب لشغل جديد او شراكة .. مو على بعضك وحاسس حالو ضايج وضجران ومانك متحمل حدا وبدي منك تنتبه لعلاقاتك المحيطة فيك وممكن عم تتعرض لبعض الاستفزازات او نزاع وسوء تفاهم وهاشي ممكن يخلي ردت فعلك مو مناسبة حاول تهدي حالك وتفكر بأيجابية وتبدا شي جديد بعيد عن الجدال ونقاش الي بلا طعمة وما منو نتيجة ..
عاطفياً:الاعزب فرصة لارتباط وشراكة زوجية ممكن تصير والمرتبط نتبه من هاليوم الجو ابدا مو رايق وممكن في عصبية ومواجهات حاول لا تخلي هاشي يزيد عن حدو ونتبه على حالك من ردت الفعل وحاول تهدي وتساير ونشالله بمر يومك على خير ..

صحياً:كريب متعب وعم تعاني ارهاق وتعب واعصاب هاشي بيلزمك طبيب يشخص حالتك واجراء بعض الفحوصات…
❤غنيتك❤اليوم:بقلبك بدي كون…وائل كفوري

 

برج الجدي 
مهنياً:القمر بالجوزاء يوم للعمل وتعب صحي .. بدك تكون جاهز وتنتبه لتنجح بشغلك تعبان ومسؤوليات عم تكتر على عاتقك حتى بتحس انو ضغوط عاطول مرافقتك مابتطلع من قصة حتى تفوت بقصة تانية .. نظم امورك اليوم بشكل منيح ونتبه لعامل الوقت لان مهم جداً .. مال ممكن وعيد حساباتك المالية وشوف شو الك وشو عليك .. ونتبه كمان من مخالفة بعض الانظمة والقوانين بشغلك كتير بدك تحاول تخلص الضرورية ولا تراكم عليك الأعمال حتى لو تعبت وانت بحاجة لحل سريع لدخل مالي جديد ..
عاطفياً:بتوقع انو امورك بتتحسن وقدامك وقت لتصلح الوضع وبلاخص هاليوم وبعد صلحة رومنسية وحب ومغامرة عند البعض .. مشكلتك عم تشعر بالوحدة رغم كتير ناس حواليك حاول لا تكبر الامور اكتر مابتستاهل وتجنب الخلافات لان اي شي ممكن يأثر بعلاقتك .. انت تعبت من ضغوطات الأخرى عليك ولازم تفكر بعلاقة تخليك تستقر وتريح بالك لانو الوضع زاد عن حدو واخد وقت ..
صحياً:البعض وضعو صحي بيتحسن وبيخلص من مرض تعبو والبعض عم تعاني توتر وقلق وارهاق وهاشي عم يسلب منك نومك وراحة البال والبعض ممكن يزور طبيب لان عندو مشكلة بالانف والحنجرة وصعوبة بالاكل ..
❤غنيتك❤اليوم:أقدر اتحمل كلشي…ماجد المهندس

 

برج الدلو
مهنياً: القمر ببرج الجوزاء صديق مع الشمس والمريخ ببرج الميزان تطورات مهنية ومالية واجتماعية .. عم تزيد طاقتك وعم تكبر وفيك تعمل البدك ياه عم توسع دائرة اهتماماتك وعم يكون عندك مشاركات بسهرة او عزيمة وبيدعمك هاليوم بسفر كمان .. يعني عم تتنفس شوي بهاليوم وبتحل شويت مشاكل تعبتك وقضايا كانت مكركبة الوضع حتى امورك العائلية فيها تحسن ولمة حلوة والحظ معك حاول تستغل هاشي ..
عاطفياً:جذاب وحليان وفي اعجاب .. امورك العاطفية عم تشهد تحسن بس حاول تنتبه لتصرفاتك وردة فعلك .. الشريك ممكن يكون كتير منيح اليوم وبلاخص مابتوقع يرفض طلب وبساعدك بس نتبه لتصرفاتك .. والبعض ستغل هاليوم لأن ممكن رح تتلقى اشارة من حبك القديم او لتبدا حب جديد …
صحياً:مشاكل الاعصاب وتوتر والقلق المتكرر هاشي بيلزمه طبيب مختص لا تترد في ذهاب اليه..
❤غنيتك❤اليوم:كنا تفقنا…مروان خوري

 

برج الحوت 
مهنياً:القمر بالجوزاء يوم ممكن تستغلو لتحسن شروط التفاوض اذا كان عندك هيك شي بشغلك او بالعيلة .. كتير عندك امور بدها شرح ولازم توضح مواقفك بأسرع وقت واي تأخير او تأجيل حط بالك لازم تقدم تبريرك المقنع ..حتى قصة ببيتك عم تشغلك وممكن امور العيلة شوي مكركبة وهاشي عم يسبب ضغط عليك بس مابتوقع هالامر يطول روق وكلمتين حلوين ونقاش عام بينحل .. وممكن تغيير بمكانك بالعمل او قصة عقارية بتشغلك .. يوم متعب بحاجة لدعم لتتجاوزو ياصديقي ..
عاطفياً:انت بحاجة لشخص يفهمك ويستاهلك بس للاسف ماعم تلاقي وهاشي كتير متعبك .. مانك مرتاح وممكن الوضع العاطفي فايت بعضو وهاشي ماعم يخلي علاقتك تستقر ونتبه من كلامك كمان حتى ماتوقع بأخطاء او تحكي كلام مو محسوب حسابو لانو ممكن ينعكس على علاقتك .. هدي الوضع ولا تتسرع بقراراتك .. بلاخص يمكن قسيت على حدا هالفترة هدي وروق لاني بعتقد انو ناطرك لحتى تتنازل وانت الي تطلب او تحكي ..
صحياً:عليك بتنظيم مواعيد طعامك ومضاعفة جهودك الرياضية وممارسة هواياتك المعتادة ولا تخلي حدا يزعجك ..
❤غنيتك❤اليوم:ما أصعبا نهاية غرامك تكتبا..وائل كفوري

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *